ஷண்மதம்

By
இந்து மதத்தில் பல வழிபாட்டு முறைகளும் சமயங்களும் இருக்கின்றன. எட்டாம் நூற்றாண்டில் (கி.பி.788-870) வாழ்ந்த ஆதி சங்கரர் இந்து மதத்தில் பரவிக்கிடந்த வழிபாட்டு முறைகளையும் நெறிமுறைகளையும் சீர்படுத்தி ஆறு சமயங்களாக தொகுத்தார். இந்த ஆறு சமயங்களே ஷண்மதம் எனப்படுகிறது. இப்போது நாம் வரையறுக்கும் இந்து மதம் என்பதும் கூட சங்கரரின் ஆறு சமயங்களின் தொகுப்பே ஆகும்.

பரமாத்மாவும் ஜீவாத்மாவும் ஒன்றே மற்றவை எல்லாம் மாயை என்ற அத்வைத தத்துவத்தை தொகுத்தவர் சங்கரர். அத்வைதியான ஆதி சங்கரர் தான் நிறுவிய அத்வைத தத்துவத்தையும் மற்றும் சமய கொள்கைகளையும் பரப்ப பாரத தேசம் முழுவதும் மடங்களை நிறுவினார். அவர் வகுத்த ஷண்மதங்கள் முறையே 

  • சைவம்
  • வைணவம்
  • காணபத்தியம்
  • கௌமாரம்
  • சௌரம்
  • சாக்தம்

எனப்படுகிறது. பிற்காலத்தில் இதில் சைவமும் வைணவமும் பிற சமயங்களை விழுங்கிவிட்டன(அல்லது இணைத்து கொண்டன). அதில் சௌரம் வைணவத்துடனும் கௌமாரம், காணபத்தியம், சாக்தம் போன்ற சமயங்கள் சைவத்துடனும் சேர்ந்துவிட்டது.

சைவம்

சிவபெருமானை முழுமுதற்கடவுளாக எண்ணி வழிபடுவது. இப்படி வழிபடுபவர்கள் சைவர்கள் என அழைக்கப்பட்டனர். இதற்குள் பல சைவ உட்ப்பிரிவுகள் உள்ளன. இந்தியா முழுவதும் பரவலாக சைவர்கள் காணப்படுகிறார்கள்.

சைவ சமயத்தின் முக்கிய நூல்கள் வேதங்கள், ஆகமங்கள், புராணங்கள், பன்னிரு திருமறைகள், பதினான்கு சாத்திரங்கள் போன்றவைகளாகும்.

வைணவம்

மகா விஷ்ணுவே(திருமால்) பரப்பிரும்மம் எனும் சித்தாந்தம் உடையது. அவர் ஒருவரே எல்லாம் என மகாவிஷ்ணுவை வணங்குபவர்கள் வைஷ்ணவர்கள்.

இந்த சமயத்தின் முக்கிய நூல்கள் வேதம், உபனிஷத்து, பகவத் கீதை, பஞ்சரந்தர ஆகமம், மகாபாரதம், இராமாயணம், பாகவத, விஷ்ணு, கருட , நாரதிய, பத்ம, வராஹ புராணங்கள் ஆகும்.

காணபத்தியம் 

அதாவது கணங்களுக்கெல்லாம் தலைவரான கணபதியை (வினாயகர்) வழிபடுவது. இத்தகையோர் காணாபத்தியர் எனப்பட்டனர். கணபதி வழிபாடு இப்போது சைவ சமயத்தின் ஒரு பகுதியாக காணப்படுகிறது.

இச்சமயத்தின் முக்கிய நூல்கள் கணபதி உபநிடதம், கேரம்ப உபநிடதம், சுப்ரபேத ஆகமம் , விநாயகர் கவசம், விநாயகர் அகவல், கணேச பஞ்சரத்தினம், கணேச புராணம்,முத்கலபுராணம்,மகா நிர்வாண தந்திரம், வெற்றி வேட்கை, பிள்ளையார் கதை, முத்தவினாயகர் திருவிரட்டை மணிமாலை போன்றவையாகும்.

கௌமாரம்

முருகப்பெருமானே(சுப்பிரமணியன்) தெய்வம் என்கிற வழிபாடு. இத்தகையோர் கௌமாரர்கள் என அழைக்கப்பட்டனர். முருக வழிபாடும் இப்போது சைவ சமயத்தின் ஒரு பகுதியாக காணப்படுகிறது.

திருமுருகாற்றுபடை, கந்தர்அநுபுதி, திருபுகழ், கந்தர்களிவெண்பா, சண்முக்கவசம், குமரவேல்பதிற்றுபத்தந்தாதி, சஷ்டிகவசம் முதலியன இச்சமய பார்க்கப்படுகிறது.

சௌரம்

சூரியனை முழு முதற் வழிபடுகடவுளாகக் கொள்வது சௌர சமயமாகும். பேரொளி வடிவினனாக அவனை வழிபட வேண்டும் என்று கூறுவது இச்சம கருத்தாகும். இப்படி வழிபட்டவர்கள் சௌரர்கள் எனப்பட்டனர்.

சாக்தம் 

பெண் உருவில் இருக்கும் சக்தியை (அம்மன், அம்பாள்) தெய்வமாக வழிபடுபவர்கள். இவர்களுக்கு சாக்தர்கள் என்று பெயர். இந்தியாவில் கேரளா மற்றும் மேற்கு வங்கம் போன்ற பகுதிகளில் சக்தி வழிபாடு தீவிரமாக காணப்படுகிறது.

Comments

Post a Comment

Popular posts from this blog

அத்வைத வேதாந்தமும் செயற்கை நுண்ணறிவும்

By
Image
தத்துவம் என்பது அறிவியல், ஆன்மிகம், அரசியல் என பல தளங்களில் விரிவடைந்து விவாதத்திற்கு உட்படக்கூடியது. அதுபோல, அத்வைத தத்துவமும் ஆன்மிகம், அரசியல், அறிவியல் மற்றும் பல மேற்கத்திய தத்துவங்களுடன் விவாதிக்கப்பட்டுள்ளது. அத்வைத தத்துவம் வாழ்க்கையில் மோட்சத்திற்கான (liberation) வழியாக சுயத்தை உணர்தல் என்ற ஞான தேடலை முன்வைக்கிறது. இந்நிலையில், இந்த ஞான தேடலின் சரியான அறிவை பெறுவதற்காக ஆறு பிரமாணங்களை அத்வைத வேதாந்தம் முன்வைக்கிறது. இந்த ஆறு பிரமாணங்கள் யதார்த்தத்தின் தன்மை, சுயம் மற்றும் non-duality ஆகியவற்றைப் புரிந்துகொள்வதற்கான அடிப்படையாக செயல்படுகின்றன. அவை: 1. பிரத்யக்ஷம் (Perception): நேரடி உணர்வுகள் மூலம் பெறப்படும் அனுபவத்தை அடிப்படையாகக் கொண்டது. உதாரணம்: மரத்தை காணுதல், ஒலியை கேட்குதல் போன்ற அனுபவங்கள். இவை நமது புலனுணர்வுகளால் நேரடியாக அறியப்படும் அறிவாகும். 2. அனுமானம் (Inference): நடந்த நிகழ்வுகள் அல்லது அறியப்பட்ட உண்மைகளின் அடிப்படையில் ஒரு விஷயத்தை தர்க்கரீதியாக ஊகித்து புரிந்து கொள்வது. உதாரணம்: மலை மீது புகை காணப்படும்போது, அங்கு தீ இருக்கிறது என தெரிந்து கொள்வது. ...
Read more

இந்து ஞான மரபில் ஆறு தரிசனங்கள்

By
Image
இந்து ஞான மரபு என்பது வெறும் இறை வழிபாட்டையும் சடங்குகளையும் மட்டும் கொண்டதல்ல அவை பல தத்துவங்களையும் தரிசங்களையும் உள்ளடக்கியவை. நமது இந்து மரபில் வேதா காலம் முதல் தற்போது வரை அதன் தேடல் எவ்வாறு இப்பிரபஞ்சமும் அதன் உயிர்களும் தோன்றின என்பதே. இப்பிரபஞ்ச தோற்றத்தை வகுத்துக்கொள்ள பல தத்துவங்கள் உருவாகின, அந்த தத்துவங்கள் விரிவடைந்து தரிசனங்களா மாறின, தரிசனங்கள் ஒரு எல்லையில் இறைவழிபாடாக மாறி மதங்களானது. இப்படி இந்திய ஞான மரபில் உருவான மதங்கள்தான் ஷண்மதம், சமணம் மற்றும் பௌத்தமாகும். முதலில் தத்துவம் என்பது ஒரு குறிப்பிட்ட துறையில் உருவாகுகின்ற தர்க்களின் தொகுப்பாகும். தர்க்கரீதியாலான சிந்தனைகளின் தொகுப்பே தத்துவமாகும். ஒரு தத்துவ சிந்தனையில் உருவான கருத்து சித்தாந்தமாக விரிவடைந்து, பிற அறிவு துறைகளில் உள்ளவற்றையும் விளக்க முற்படுவதே தரிசனமாகும். இந்த தரிசனங்கள் இந்து மெய் ஞானங்களின் வரிசையேயாகும். இந்து ஞான மரபு என்பது தரிசனங்கள் தனது கற்பனை மற்றும் உள்ளுணர்வால்  விரிவடைந்து இறை வழிபாடாக மாறும்போது மதங்களா உருவாகுகின்றன. அப்படி இந்து ஞான மரபில் உதித்தவை சைவம், வைணவம், சாக்தே...
Read more

ஆதிசங்கரரின் அத்வைதம்

By
Image
 கடவுளும் அணைத்து உயிரினங்களும் சமம் என்ற வகையில் கடவுளிடம் சாமானியனை நெருக்கமாக கொண்டு சேர்த்த தத்துவம்தான் ஆதிசங்கரரின் அத்வைதம்.  சங்கரரின் காலத்தில் இந்து மரபு சமண பௌத்த தத்துவங்களின் தாக்கத்தாலும் கர்ம மார்க்கத்தின் சடங்குகளாலும் திசைமாறி  சிதறுண்டது. இவ்வாறு சிதறுண்ட கிடந்த இந்து மரபை ஒருங்கிணைத்து காலத்திற்கு ஏற்ப தனது ஞான மார்க்கத்தின் மூலம் கட்டி எழுப்பியவர் சங்கரர். பௌத்ததின் உயரிய கருத்துக்களையும் வேதத்தின் ஞான காண்டத்தையும் உள்வாங்கிக்கொண்டு உருவான தத்துவமே அத்வைதமாகும். சங்கரரின் அத்வைத தத்துவம் என்பது, பிரமம்மும் ஆத்மாவும் ஒன்றே இரண்டல்ல என்பதாகும்(Non duality state). ஜீவாத்மா இந்த மாறிக்கொண்டே இருக்கும் பிரபஞ்சத்தில் உள்ளவை எல்லாம் நிலையானது என்று தான் என்ற அகந்தையில் பிரம்மத்தால் உருவான மாயையில் சிக்கிக்கொண்டு உழல்கின்றது. எப்பொது ஜீவாத்மா தன்னை தானே உணர்ந்து(self realize) தான் பிரம்மத்தின் ஒரு அங்கம் என உணர்கிறதோ அப்போதே இந்த பிரபஞ்ச மாயையில் இருந்து விடுபட்டு முக்தி(liberal) அடைகிறது. இதை இன்றைய காலகட்டத்திருக்கு ஏற்ப புரிந்துகொள்ளவேண்டும் என்றால் பிரம்ம...
Read more